Bänkk 2017

A propos Walt Disney

Dr Donald seit am Mickey wies söu ga

So louft das jetz z Amerika

Was gränzt a Dummheit het mi Wunder gno

Kanada u Mexiko

Dr Bill seit dr Hillary ganz trochä

Ab jetz tuesch du de wieder chochä


A propos Fernseh Programm

Giacobbo/Müller isch leider verbii

Jetz chunnt Aeschbacher schautisch denn dr Fernseh yy

We mir um diä Zyyt dr Aeschbi im Fernseh gseh

De träumä mir när vom Epiney

Sorry dass mir dä Spruch hei bracht

U sorry scho wägem Troum diä Nacht


A propos Wunschching – lieber es Meitschi oder lieber e Giu?

D Eutere hei  sicher scho d Erfahrig gmacht

D Giele tüe schwierig vo 0 bis Acht

Bide Meitschi wirds grad angersch si

Diä si kompliziert vo 8 bis Hunderti

Lachsch z lut us Ma de tueni wettä

Tuesch in Zuekunft säuber glettä


A propos MIR heis scho schön

Murtä inspiriert u macht üs Muet

Woustand – Glücklech – es geit üs guet

Doch es geit nid aunä so

I Gedankä si mir  bi Gotteron

Würdi i dera Mannschaft stah

Würdi d Schlöf diheimä la


A propos: Es Highlight vo Murtä

Am Schlussapéro vom Liechterfestival isch aus bereit

Aber vo dä Gmeindrät het niemer merci gseit

Nach 12 Täg Liecht – da gloubi no gly

Si diä gedanklech scho wieder im Dunkle gsy

Wosch in Zuekunft Klarheit ha

Züntisch d Lichter wieder a


A Propos Zangegeburt

Ds Vouk wott üs es neus Fürwehrlokau gönne

Doch d Hüser wärdä zersch verbrönne

Wiu dä Zytplan – isch zum lache

Murte cha nid mau es Parkhuus mache

Si söue gschider z Parkhuus grösser bouä

De cha d Fürwehr d Chärä dört verstouä


A propos AlléAllé

Es git Millionä vo Beizä –

doch teu – tüe mängisch meh reizä

Äs isch schön – we d im Bärntor chasch si

Wiu dii – gits nur einisch für mii

Scho dr Gedankä dass mr dr Dädu kes Bier meh bringt

Dass jetz en angri springt – u mi am Tisch nid fingt

Iiii bi truurig – dass diä Ärä jetz fertig isch

Was isch diä Beiz für mi – ohni di di di di

Bärntor Ziit – diä het meischtäns no gstumme

Wenn nid – weisch wär bim Suufe het gwunne

Wiä oft – het är im Büro pennt

U mir – üsi Chübeli gstemmt

Scho dr Gedankä dass mr dr Dädu kes Bier meh bringt

Dass jetz en angri springt – u mi am Tisch nid fingt

Iiii bi truurig – dass diä Ärä jetz fertig isch

Was isch diä Beiz für mi – ohni di di di di

Geisch hüt – is Bärntor ga trinkä

Tuet jetz – d Marta dir winkä

Si laht – z Tor no immer la rockä

dr Service – isch jetz ide Socke

Scho dr Gedankä dass mr dr Dädu kes Bier meh bringt

Dass jetz en angri springt – u mi am Tisch nid fingt

Iiii bi truurig – dass diä Ärä jetz fertig isch

Was isch diä Beiz für mi – ohni di


A propos: Key Player

Sitt mir agfange hei vor 19 Jahr

Hei mir e grosse Pointe Star

Ou das Jahr hei mir dä Bruuch nid broche

Der Bärtschi het ging no Fleisch am Chnoche

Dr Bärtschi macht dr Ungerschied

Wiu auti Liebi roschtet nid


A propos: Chleider

I ha z Murte im Stedtli  – es Meitschi gseh

U loufe ihre nache – dür di ganz Allé

Sie draiht sech um, was loufsch mr nache – seit diä Frou

Ja das frag i mi jetz ou

BR: gits zwüsche hinger u vor e Gägesatz

Setzisch uf di fauschi Chatz


El Condor

D Madame wächslet z Ufer isch das ächt?
Rinderknächt

Wie macht d Mirka dr Roger richtig flink
Ganz in pink

Wär wird am Sunntig nüm im Fernseh cho
Giaccobo – nümme cho

Wär vergisst sini Schlöf dä Idiot
Pouliot

Eini mache ohni Gummi denn isch`s gscheh
Darbellay

Z Ässe usem Outomat – das wär chli fad
Hauebad

Wär het nöi im Service d Socke a
Marta

Oh je oh je oh oh oh je jemineee
YB


A propos was isch es Dilemma

Steu dir vor du ligsch blutt im Bett

Zwüsche der Hunziker und äm Epiney und beidi wett

U jetz zum Dilemma – äs laht mir kei Rueh

Wäm genau draaisch dr Rügge zue?

Ou Im Schutte  bisch betroffä

Secklisch füre  – isch hinger offe


A propos heulende Sirenen

Da gloubsch dr Sirenetescht geit los dehei

Dä Ton geit eim dür March u Bei

Nach 30 Sekunde isch dr Schreck verbi

Es isch mini auti dus ir Chuchi gsi

Dass d Sirene chöi hüülä gloubi no gly

Wiu aui Sirene wiibläch sii