Bänkk 2015

A propos: neue Wortschatz

Es bleibt unbeständig isch – dr Satz vom Jahr

Ja das passt zum Murtner Parkhuus wunderbar

Isch de das Parkhuus einisch da

Wird ig am Rollator ga

Wirsch das Parkhuus z Murtä gseh

Brucht d Mönschheit keni Outos meh


A propos Lufterschmutzig

Hesch Müeh mit Smog bi dir dihei

Mach der kei Sorge – bisch nid allei

Aber im Schlafzimmer Smog – das stört mi sehr

Dicki Luft u kei Verchehr

Wede bi viu Verchehr chli z nöch uffahrsch

Fahrsch de uf einisch eim i Arsch


A propos Jolanda Spiess-Heggli-Hürlimaa

Zuger Politik isch ganz modärn

Die Lingge hei die Rächtä gärn

steu dir vor wie das z Murtä wär

D Schneider Schüttel mitem Dänu Schär

Trinksch 2,3,4,5,6,7 Hopfe

De würkt das fasch wie Ko-Tropfe


A propos Bundesrät – Inne

D`Sommaruga bechunnt ganz schlächti Note

Für die stuuri 30% Frouäquotä

Mir Rüebe mir stöh suber da

zwö vo üs hei z Röckli a

Sit i z Röckli anne ha

Isches plötzlech suber da


A propos Energiewende

Mir spare Strom und Energie

drum isch das Värsli scho verbii


usgstorbe verlasse hiä louft nüt

i gseh gar nüt mini liebe Lüt

es isch aues dunku u nix mehr los

z Murtner Stedtli liechterlos

liechterlos jedi Nacht

bis de Gmeindrat mau erwacht

liechterlos mir tüe us quälä

wär zum Tüfu tuet diä wählä

———-

Kei Gascht in Murte diä ganzi Nacht

Dr Brächbüu het hiä z Liecht usgmacht

Ou dr Höchner Urs tuet drüber flueche

muess im Dunkle bim Apero d Brötli sueche

liechterlos jedi Nacht

bis de Gmeindrat mau erwacht

liechterlos mir tüe us quälä

wär zum Tüfu tuet diä wählä

———–

Ou z Stars & Sound u Wake and Jam

heisi z Murtä nüme gärn

I fragemi was mitem Gmeindrat louft

isch äch dä vor Längmatt kouft

liechterlos jedi Nacht

bis de Gmeindrat mau erwacht

liechterlos mir tüe us quälä

wär zum Tüfu tuet diä wählä


A propos Schilaager im Aargau

Schilager si wieder bi aune inn

Näbscht Schifahre chasch ou no mit dr Lehrerin

D`Murtner Schüeler hei da nüt z`lache

Usser si stöh uf auti Drache

Seisch zur Lehrerin: mi Spatz

Bisch dr Chef ufem Schuhusplatz


A propos Sternstund

Dr Klapproth geit wäg vo 10vor10

U es sött no e wiitere Wächsu gä

Ou bi Meteo wirsch gli ä Nöie gseh

Es git ä warme Summer dank em Epiney

Rosa Wüuchli, Sunneschin, und warme Schnee

So wird z Wätter mitem Epiney


A propos : spezielli Konstellation

4 Frouä stige ines Ruumschiff i

Ganz allei wiä cha das sii?

Es steut sich d Frag u i bi ja gspannt

Isch jetz das Ruumschiff unbemannt?

Weli vo denä 4 das Ruumschiff stüüre cha?

Ja sicher da diä Conchita


A propos : politischi Viufaut

Dr Christoph Mörgeli chouft es Pack Haribo

U bim ässe het är Freud becho

Die wissä Bäärli hei ne inspiriert

U di farbige het er ussortiert

Dass das Verhautä gar nid geit

Het ihm d Sommaruga gseit


A propos äs Schiff chunnt a

Nachemne Dütschkurs chönnte d Asylante brilliere

Me chönntse richtig integriere

Wär ig Asylant i würd mi wehre

Wiä wosch diä Sprach in Güffersch lehre?

Bevor du chasch id Guglera

Muesch Asylante Status ha


A propos Versteckis Spiel

D Bulle verstecke sech immer gärn

Uf dr Outobahn zwüsche Murtä u Bärn

Früecher hesch ging gseh – wosi hocke wo

Wiu ging öppis vom Bärtschi isch fürecho

Gsehsch ging wo d Bulle hocke wo

Wirsch du nie e Buess bechoo