«D’Rüebe bim bättlä»
Campari Soda luägä u losä
Bim Curling luege hani mir gseit
Wieso hani ir Chuchi kei Iisbahn gleit
Wiu bim Curling spilä äs isch kei Fuulä
Chöi d’Frouä putzä ohni z’muulä
Lachsch z’lut us Maa i cha n’echs säge
Muesch Kuchi i Zukunft säuber fägä
D’Schwizer Fussbauer si zimlich hou
Bim Panauty schiesse trifft keine z’Gou
Mit schwulä Stürmer würd d’Sunnä schiinä
Diä bringä ihrä immer iihnä
Trifft bim Penauty Schiesse keinä z’Gou
Hiuft nid mau dr Aukohou
D’Doris Leuthardt`s letschti Schreii
Pro Ching bechunsch 8 wuchä Frei
Weisch wi wärdä au mini Frouä gaffe
Weni vo jetz a nüm muess schaffe
Schlafsch mit aunä Frouä ou im Heu
Bisch du sicher arbeitsscheu
Am Schauter bim Gäud hole uf dr FKB
Hani äs hülends Frölein gseh
Gäud heimer keis meh, das isch eso
Nur no Tickets u Aktien vo Gotteron
Wosch dini Chöle nie me gseh
Brings se eifach zur FKB
In use ine use
ine use ine use
ine use ine use
wie chum ig us dem Parkplatz u
Chunnsch weder ine no use, de las la sii
Gang zrügg id Beiz u suuf ä Ballon Wii
Wenn d’wosch ga flügä de dänk de dra
Schueh abzieh u z’Drinkä la stah
Das isch zwar nüt nöis äs isch ja z’gliiche
Wi wenn daheim muesch ineschliiche
Muesch d’Fläsche im Flüger dusse la
Muess d’Fuessbau Nati mitem Velo ga
Schüeler heit dir z’Grounding begriffä
Da het d’Lehrerin dr Fritzli a Tafele pfiffä
Wotsch öppis wüssä du liebe Spatz
Frag mi Awaut I haut dr Latz
Schwiigt dr Fritzli de gloube I
Dä isch ou bir Swissair gsi
Ä Transfer bir FGM – tschüss Helena
Aus Nachfouger simer am am Ospel dra
Pro Wagä ä Million mir tüe nid lügä
Und uf Clique Reis chasch first class Flügä
Tüenn Pfiiffer und Trummler uf Murte kho
Isch dr Ospel würklich doo
Bim Strasseverchehrsamt bini am wartä
Da chunnt Bärntor Housi mit sore Schwartä
Plötzlich bini ganz allei
Fahrt er mit mim Outo hei
Und stigi wieder i mis Outo i
Isch dr Schock no grösser gsi
Dr Charre isch dräckig, schwarz wiä Äsche
Nächsch mau duesch de d’Finger wäsche
Isch di Charre nümme frisch
Weisch wenigschtäns wär nä gfahrä isch
Anstatt d’Schiibä Chratzä früäch am Morgä
Machsch d’Fänschter uf de hesch kei Sorgä
Lärsch no Wasser drüber de isches schad
Drfür hesch im Outo äs Hauäbad
Gfrürä im Bahnhof Buffet d’Schibä ii
Wirsch ou Du nüm troche sii
Ds Murte ir Ryf ä risä Stou
Mä chunnt nüm düre das gloubt kei Sou
Du chasch nur schlieche es geit nid schnäuer
Es stocket vorem Frösche Chäuer
Gits in Murte ä riise Stou
Mache d’Frösche Wagebou
D’Vreni Spörri isch sympathisch das isch kei Frag
Am Swissair Prozäss schwigt si ä ganze Tag
Äs isch fasch nid möglich mir chöis nid verstah
Dass e Frou so lang cha d’Schnuurä ha
Stadionverbot, das macht kei Sinn
Äs Geischterspiu im Joggeli drin
Statt nur ihri Fans uszschliesse
Sötsch d’Basler grad zur Schwiz usschiesse
Dr Bärtschi het üs hässig gseit
Dasser üsi Bänkli nüm vertreit
Är isch ja ganz ä flotte Ma
Aber äs schwarzes Schaaf muesch immer ha
Aus Assistent vor Uni z’Fribourg hui
Korrigieri Prüäfigä – das stinkt mr pfui
Hochdütsch hui – das cha nid sii
Was i nid verstah verbrenne n iii
Ds Bundeshuus vode Rüebe wird kopiert
Wiu d’Kuppe in Bärn – diä wird saniert
Aber z’Bärn isch mä eifach no nid bereit
Wiu dört ging aus chlei lenger geit
1. August ufem Rütli – dr Tag vor Frou
Anstatt SVP – än Emanzä Show
U d’Christiane Feldmann im OK drinn
So macht es Fest ersch rächt kei Sinn