A propos früecher
Es Glesli zviu bi trotzdem gfahre
Bim Kreisu stöh Bulle scho i Schaarä
Si hei mir leider usegno
Las Fänschter abe, dr Räscht geit so:
I nimme no Campari Soda
U für di e Ballon Wii
Das isch dr letscht i muess no fahre
Süsch chumi när de nümme hei
Dr Bärtschi chrümmt sich fasch vor lachä
Kontrouä chan är fasch nüme machä
Ändläch gseht är mau ä Rüebe
Überrascht isch är u seit zu mir
Du bechunsch no Campari Soda
Für mi gits no es Glesli Wii
Mit fahre isches aber gloffe
Z Fuess geisch du mir när de hei
I nimme nie meh Campari Soda
Wit unger mir de Murtesee
U dr Chopf de brummet lieslig
Äs isch aus gäbs mi nümme meh
S Auto steit no ging im Stedtli
Dr Check isch no im Portmonnee
Bi nümme sicher ha e Fiumriss
Hani dr Bärtschi würklich gseh
A propos Meteo
Sitt em Donnschti scheitsu schneits u schneits – es hout mi us de Schueh
z Murte si aui Strasse zue
Du Schnepflueg Chauffeur – wo bisch de wo?
Bim Stöckli Kreisu – nümme düre cho
Fahrt dr meteorologisch Früelig a
Steit e Schneemaa z Murte da
A propos Apéro
Nachem Gmeindsapero – viu Räschtä – au hei reklamiert
Dr Catering Service heig sech-verkalkuliert
Äs sig wiä jedes Jahr – gnau glichviu gsi
dr Höchner isch haut nüm drbii
Dr Finanzchef seid – s`isch nid zum lache
Mir müesse chliineri Apéro mache
A propos Zuekunftsplän
Mir Rüebe düe iz expandiere
U id Landwirtschaft investiere
Aus erschsts hei mir e Muni kouft
U ne – Magdalena Martullo Blocher touft
D Chüeh im Stau säge Muni du Schlieemer
Es git nüt bi üs you are a Dreamer
A propos No-Billag
Mir säge nid was stimme sondern mache Bojkott
Anstatt e Pointe gits e Wärbespot
Rulla- d`Rüebe hei im Stedtli e Bar
Mi Name isch Rosso, Rüebeloch-Clique, Murte am Murtesee
Mir mache Wagebou, Schnitzubänk und hei während de Fastnacht ä Bar, s’Rüebe-Loch
Mir verwände usgläseni Spirituose vo tote Pflanze i top Qualitäte. Dir chöit usere Viuzauh vo Getränk usläse und zueluege wies abgfüut wird. Ou d’Füllmängi chöit dir uf Wunsch säuber bestimme.
Scho für CHF 4.00 gits es Bier und für CHF 5.- es Suze.
Üsi Bar wird jede Tag putzt und ufgfüut. Wenn dir öich telefonisch tüet amäude chöit dir grad mithäufe.
Mir fröie üs uf öiche Bsuech im Rüebe-Loch, die Bar, Hauptgasse Murte am Murtesee
A propos Billag – nomau eine vo früecher
I wett so gärn es Outogramm vom Epiney
Aber im Leutschebach hani ne niene gseh
Du Portier, wenn tuet de dr Sven erschiene
Du dä geit bi üs ging hinge ihne
Ohni Biilag dassdes Weisch
Gits ufem Täuer nur no Fleisch
A propos Beauty
Dass si besser usgseht schickt mii mini Frou ga Schminki choufe
Mit ihrem Gäud due ig i nächscht Coop icheloufe
Ar Chischte Bier ha ig nid chönne – widerstah
Si het di glichi Würkig gha
Fragsch di am nächschte Tag wie sie umelouft?
Hättisch gschieder e 2.i Chischte kouft
A propos zu däm Thema: no einä vo früecher Giraff
Bitte nicht füttern steit im Basler Zoo
Dadrüber si d Giraffe aui froh
Si hei aui längi, schlanki Bei
Das Schiudli bruch i ou dihei
Ohni das Schiud es isch frapant
Hesch/gits dihei e Elefant
A propos le président de la République
Dr Emanuel Macron hüratet sini Französisch Lehrerin
Dänk ig a früecher – chunnt mir i Sinn
Bi üsne Lehrerinne s’isch garantiert
wär üs das sicher nie passiert
Si d Lehrerinne chli zum schreiä
Sitzisch nid idi 1. Reihä
A propos usem Verchehr zieh
zSamsung 7 isch gar nüm so exclusiv
Aber immer no höchscht explosiv
Ha zbeschte drus gmacht u positiv dänkt
U ha eis dr Schwigermuetter gschänkt
D Komplikatione liege nüm – am Betriebssystem
D’Gsichtserkenning isch z Problem
A propos – no dr letscht vo früecher
Ine use ine use
ine use ine use
ine use ine use
wie chum ig us dem Parkplatz use
A propos mässe
Mit dr Verchehrsfüerig bir Coop Tanksteu isch niemer froh
D’Schneeschnutzi isch nüm düre cho
Ou Polizei hets bir Kontrouä – sofort kapiert
Mitem Bärtschi wär hiä aus blockiert
Dr Planer seit tüet mir verzeihe
I ha nid dänkt es chäm cho schneie
A propos Rüebe
Sitt 20 jahr simer jetz scho da
Mit wehmuet starre mir d Dilli a
We mir das denn scho gwüsst hät gha
Mir hätte no – viu blöder ta
I hätt no viu blöder ta
Hätt nüt a mir verbi gah lah
Weni denn scho gwüsst hätt gha
Das i di Zyt nid für immer ha…