Bänkk 2019

Apropos interessanti Safari
Dr Leu aus König vode Tier – dä läbi gsung
Är heigi Sex – au Viertustung
Wiu mir aus Murtner – au 15 Minute chöi
Nennt me üs ou Murteleu

Hei D Leuä klar verteilti Rouä
Mache D Männli nüt – es schaffe d Frouä


A propos Universität
Über üsi Usbiudig het sech scho mängä amüsiert
Aber mir hei au mängs Jahr – erfougrich studiert
Mängisch hei mir – studiert was mir wei
No is Bärntor – oder langsam hei

Wi mir Wirtschaft studiert hei – geit i Gschichtsbüecher i
Si immer zwüsche Jäger u Bärntor gsi


A propos Tschou zäme
I ma nüm u tue z’Fäud – verlah
Ma scho lang nüm – ou i wirde ga
S’isch nur e Witz – gsehts nid so äng
Mir spiele hie – dr Gmeindrat Gräng

Kei Gmeindrats-Spesä jetz chönnt me dänkä
Mä chönnti d Stüre no meh sänkä


A propos Bahn 2000
I ma derä nüm zuelose drum hani Erstfäud-Biasca dänkt
Was isch Erstfäud-Biasca – bisch du beschränkt
Tja Erstfäud-Biasca – isch jetz nöi
Göschene-Airolo – Level zwöi

Hesches nid verstange muesch nid stutze
Sondern wieder einisch d Ohre putze


A propos Abstimmig
I muess nüm mache – i das Seckli da
Sitt 2 Wuche chani wieder uf z WC ga
Z Stimmvouk seit üsi Scheisse sigi gsung
das Seckli isch wieder füre Hung

Seit z Stimmvouk zu dr ARA: ja
Muess i das Seckli nüm diheimä ha


A propos dicki Luft
Mini Frou bringt mi uf Paume – ehrewort
Sitt 3 Täg redt sie mit mir kes Wort
Ja wenn e Frou e so lang schwiege cha
De wird sie öppis z säge ha

Im Kaffichränzli hei si drgägä
Aui nid würklech öppis z säge


A propos äs chönnt id Hose ga
Ici c’est Fribourg ici c’est Gotteron
Si spiele so schlächt oh non non (non)
Was chönnt euch häufe jetz müesst dir lose
Verchoufet lieber Ungerhose

Bisch überem Strich u fasch am Ziu
Chöme när no d Spiu gäg Rapperswiu


A propos Zittmässig
Sit fasch ere viertustung stö mir scho da
Da erinneret sech jetz Frou u Maa
Die wo jetz scho wieder (chönnte u)wöi/chöi
Dänkä immer no a Murteleu

Wedi nach 15 Minute nid tuesch freuä
Ghörsch nid zu de Murte Leuä


A propos Gmeindefusion
Gaumiz möcht mit Murte fusioniere
Beidi gloube, es chönnt funktioniere
Ei Vorteil häts uf Gaumizer-Site
D`Moosrugger wäre ändlech e Murtner Clique

D`Moosrugger ghöre-u das wär de nöi
Ou zum Kreis vom Murteleu


A propos chönnti de no z Tigget ha?
Die ganzi Schwiz fingts langsam schreg
Gänfer Politiker hei z höchi Spesebeleg
Aber uf 40`000 Stutz wirsch no schnäu mau cho
Wi früecher es Höchner Apéro

Si d`Apéro Chöschte nüm unerhört
Isch dr Höchner nümme dört


A propos Schmätterling
Üsi Lara Guet fahrt wiä mit Fäuu
Sitt sie Behrami heisst isch sie nüm schnäu
U gly wird si es Chindli übercho
Das startet när für Kosovo

BR: We dr Blick üsi Nati benote tuet
Lichtsteiner schlecht, Behrami Gut


A propos nöi Jassreglä
Wäg dr Mee too Bewegig wosech het formiert
Wärdä d Jassreglä jetz – neu definiert
Es tuet idr hütige Ziit – doch nüm entsprächä
Dass dr König dörfi d Dame stächä

Mit de Dütschwizer Charte tuet dr Epiney verspräche
Darf dr Ober dr Unger stächä