A propos üsi CO-2 Bilanz
Liebi Greta, tue doch mau es bitzli lache
Mir tüe öpis guets fürs Klima mache
mit dirä Klimabewegig – fö mir ou a
Mir si hüt oni Outo da
D Greta chönnti wieder lachä
Würdä aui z ganz Jahr Fastnacht machä
A propos Guinnes Buch der Rekorde
1200 Poulet mir si ir Schwiz jetz z Nummer Eis
Mir hei aui gässe – überläbt het keis
Mä weiss jetz vor Rhone bis zur Rhüüs
Bisch z Poulet hesches schwär bi üs
Si wägem Lario au ufem höche Ross
Heimer hiä än Eidgenoss
A propos vo hinge, nid vo vore
Ä Verluscht, nid für d’Froue, sondern für d’Mannewäut
mi cha nüt meh mache, o nid mit viu Gäud
uf dä Schock hei viu es Prosecco müesse näh
dr Epiney isch jetzt vergä
Brichsch uf zu neue Ufer
nimmsch am Beschte ä junge Schnufer
A propos Sunnti Namittag 3 ab 3
4.50 füres Kaffi, 5 Stutz es Bier das geit is Gäud
Wohnsch z Murte chunnsch es 2. Mau uf d‘Wäut
deheimä dänksch – läck isch das tüür
doch ke Verglich mit dr Abwasserstüür
A propos Kantonswächsu
Clavaleyres wächslet vo Bern i Kanton Fribourg u das sig ä Fähler gsi
So sig si idä Playoffs jetz nid drbii
Aber liebi Lüt us Clavaler s’isch euch scho klar
Mir wächsle de nid jedes Jahr
Kantonszueghörigkeit seit dr Ufsichtsrat
Entscheidet dr Hockey Totomat
A propos verloreni Schlacht aber nonid dr Chrieg
Z Liechtfestivau z Murte het ä riese Wucht
Äs schlaht üs am Hilari au id Flucht
Zum Glück heisi z Stedtli das Wuchenänd – niemerem gä
mir lö üs d Fastnacht nid la näh
Würsch d Fastnacht wäg nä – ja denn guet Nacht
De gäbs e 2. Murteschlacht
A propos Prinzepaar
dr Bärtschi hei mir us Prinz lanciert
am Hilari isch de z Drama passiert
Dür diä Mönschemängi isch är nid dürecho
Drum het me när dr Fixu gno
Hoffentlech hets Prinzessin Annette nid so gseh
Sorry Fixu, du bisch Plan B
A propos diä letschtä Wahlä
Mä seit äs sigi ä historischä Momänt
U wäut äs jüngers u wiiblechers – Parlamänt
Mir Rüebe schwümmä gäge Strom – du gsehschs da drannä
Mir wärdä Euter u blibä Mannä
A propos Food waste
E Buur z Sugiez entsorgt sini Rüebli im grosse Moos
Es paar sigä z chlii es paar si z gross
Liebi Lüt es geit üs gar nid guet
Weme d Rüebe so behandle tuet
DRüebe - das dörfter niä vergässe Ghöre uf d
Bühni – oder si zum ässe